Ámbitos de Loita

ÁMBITOS DE LOITA
A banda de Rock:

O grupo de rock XeRock nace no ano 2003 como resposta ás inquedanzas e aptitudes musicais de varios dos usuarios do Centro. En decembro de ese mesmo ano dan o seu primeiro concerto, contando a día de hoxe con case medio centenar por toda España e Portugal.

O impacto social de XeRock quedou reflexado no documental "Cantos Rodados" (Ficción Produccións) no ano 2008, acadando unha importante repercusión mediática.


XeRock Percusión:

No ano 2009 o proxecto amplia o seu campo de acción formando un grupo de percusión integrado por usuarios do Centro.

XeRock Percusión, tamen chamado "Percusión Espontánea" é unha expresión musical con base rítmica na que participan entre 8 e 15 persoas con discapacidade intelectual.


sábado, 21 de diciembre de 2013

Xa está á venda o novo disco de XeRock

Aínda que tivemos que aprazar o concerto-presentación decidimos poñer ó disco á venda igualmente.
Estas son unhas datas que entendemos que poden beneficiar moito a que se mova o disco.
Co cual a partir do luns 23 de decembro, na Tenda Atalaia do Centro San Xerome (Rúa Galiza, 23 - A Guarda), estará disponible o CD "...vou seguir insistindo estar", o novo traballo de XeRock, a un prezo de 5 euros.
Regalade música, regalade ilusión.

lunes, 16 de diciembre de 2013

Aprazamento do Concerto-Presentación

Gene está un pouco pachucho, e queremos demasiado ó noso batería como para expoñer a súa saúde, asi que sentimos moito comunicar que QUEDA APRAZADO O CONCERTO-PRESENTACIÓN DO NOVO DISCO previsto para o sábado 21 no C.S. O Fuscalho da Guarda.
Seguiremos informando. Unha aperta grande de parte de Gene e a banda para a todo o mundo, e graciñas pola comprensión.

miércoles, 6 de noviembre de 2013

Presentación novo disco de XeRock

A presentación do novo disco de XeRock será a guinda do noso décimo aniversario.
Será no Centro Social O Fuscalho de A Guarda o sábado 21 de decembro, e haberá tarta de cumpleanos, momentos para a nostalxia e novos temas. Velaquí un adianto do novo disco:

jueves, 24 de octubre de 2013

XeRock Percusión na reapertura do C.S O Fuscalho

O novo local do Centro Social O Fuscalho é unha pasada: ós pés do mar, con grandes cristaleiras hacia o porto da Guarda. Amplo e acolledor. Un espazo prometedor onde terán cabida todo tipo de actividades socio-culturais alternativas de aquí en diante.

Estamos orgullosos de anunciar que estamos convidados á estrea do novo local.
Este sábado 26 a iso das 19:30 h. actuará XeRock Percusión.

lunes, 9 de septiembre de 2013

Actitude e Altitude

Estamos a ultimar os detalles do novo disco de XeRock, e mentres tanto -e unha vez mais coa axuda de Iago Alonso- fixemos un pequeno clip de "San Xerome", un tema que estará incluído no disco.





martes, 3 de septiembre de 2013

Comezo de Curso a ritmo de Reggae

Comezamos o mes de setembro, con ilusión e retomando os ensaios. A pesar das vacacions non estivemos parados, diso nada. No pasado mes de agosto rematamos de mezclar a gravación de XeRock, e estivemos traballando no deseño gráfico do disco: todo boas novas e moita actividade como sempre.

E unha mais: este sábado día 7 actuamos no Minho Reggae, que este ano cambia de ubicación e que se vai celebrar no Espazo Fortaleza de Goián. Actuamos ás 19:00 e a entrada é gratuita para tódalas actividades que xunto coa nosa se celebran en horario de tarde. Pero polas noites do venres e mais do sábado tamen hai parranda, e aínda que hai que pagar por ela, dende aqui animamos a todo o mundo a acudir en masa a un Festival feito por xente xeitosa e amable, nun lugar precioso, con moita herba e cemento, que xa é público.

Moitas grazas a Concellería de Cultura do Concello de Tomiño e á Organización do Minho Reggae.

martes, 23 de julio de 2013

Mais cancions para a loita



No 2005, dous anos despois de comeza-la andaina de XeRock, gravamos seis cancións con Elías Domínguez en "SinTonNiSon Estudios".
Editámolo, e o resultado foi "IntegrAcción", toda unha declaración de principios. Un disco que nos leva acompañado dende entón, e que claramente marcou un antes e un despois na banda, no Proxecto.

Pois ben, levounos oito anos, pero estamos a gravar de novo. E outra vez seis temas.

Baixo Miño Estudios entendeunos e atendeunos perfectamente. Quixemos gravalo en directo, coas nosas subidas de tono e as nosas baixadas de tensión. Comezará a soar despois do veran.

Gracias Elías Domínguez.
Gracias Miguel de la Peña.



jueves, 18 de julio de 2013

XeRock Percusión. A primitividade do ritmo.



Este é un video que fixemos durante a histórica vaga de calor do pasado mes de xullo, aínda emocionad@s despois da exitosa primeira actuación de "XeRock Percusión", en Santiago de Compostela, nas Festas do Barrio de San Pedro.

De feito, temos que agradecer á Comisión de Festas -en especial a Roxo- por apostar sempre por San Xerome. Por suposto tamen a todol@s voluntari@s que nos acompañaron ese día para facer realidade algúns soños que viñan espertándose xa de lonxe.

Nun principio pensamos en facer o videoclip para participar no Certame Artístico IgualArte pero o certo é que, participemos ou non, quedounos unha bonita carta de presentación.

Puri coa pandeireta; Luisa e Óscar B. nos teclados; Gene, Luis, Laure, Fabio, Óscar R., Isaac, David e Victor coas baquetas e Jairo no baixo: sen trampa nin cartón; a música de "XeRock Percusión" en directo.

Graciñas Iago Alonso. 




lunes, 13 de mayo de 2013

XeRock, a banda.


GENE

Coñezo a Generoso dende fai mais de dez anos. Quérolle moito, é un tipo singular. Gene é desas peroas que son todo corazón, tanto para rir como para cagarse en todo e patear unha porta; un tirano da simpatía. Amante da conversa, do ritmo, e de todo aquilo  que teña motor e rodas. Tamen é amante dunha moza de Redondela: Vicky, a única persoa sobre a faz da terra capaz de poñerlle as pilas de verdade.



O primeiro que me dixo o día que mo presentaron foi preguntarme se tiña coche. Eu pregunteille se él tiña unha batería. Eu dixen "aínda non", él respondeume "si, no salón da casa". E alí comezou todo.




VANE

Sen Vane no habería Rock. Impórtalle un carallo o que ti lle digas. Non atende a horarios, nin a xefes nin a obrigas. Ás veces pasota, ás veces rebelde... con todo, menos co amor.  Iso si que é Rock.



Tivo a sorte de crecer na casa dun músico, e toca o baixo. Á hora de ensaiar é un pouco perezosa, pero se hai que pillar a furgo, actuar polo mundo adiante, ten por seguro que é a primeira en aparecer, sempre toda guapa. Mólalle moito debuxar, e a min encántame, porque aínda que a miña melena é cada vez mais escasa, ela sempre se preocupa de debuxarme cunha boa mata.




PURI

En tan sólo 6 meses Puri sumerxiuse no proxecto coma se levara toda a vida. Nunca mirei unha persoa tocar a pandereta con tanta responsabilidade.



Os caprichos de Puri non son moitos, pero sí intensos: atender na Cafetería do San Xerome e a cor rosa fucsia son dous deles. Ten a vida arreglada, e se lle deixas, pódeche arreglar a túa tamen. É unha cousiña amorosa, pequerrecha, e vestida da cor do chicle que cando a ves sólo podes pensar en achuchala... Entón e cando che solta iso de  "ti estás cabra de todo".



Derrítese cando mira un bebeciño, e podes intuir que está reprimíndose con todalas suas forzas para non collelo no regazo: coño, un bebé!





Ciano e Víctor son os outros dous, as incógnitas da ecuación, os que tiran do carro, ás veces incluso p´trás.


Nos somos XeRock, somos boa xente e gústanos a música.